Lingvoblog
© Кирилл Панфилов, 2009 (профиль) | О проекте
Яндекс.Метрика
У римлян ни за что не хватило бы времени на завоевание мира, если бы им пришлось сперва изучать латынь. (Г. Гейне)
Зарегистрированные пользователи видят вдвое больше записей на каждой странице, могут комментировать чужие и писать свои посты, общаться между собой, обладают личной страницей на сайте и могут пополнять коллекцию ссылок. Регистрация совсем простая.

«Красная шапочка» на цыганском языке

Erlang рассуждает:
Джидя про свэто екх тыкнинько чяёри. Латэ исыс гожо лолинька шапочька. Чяёри адякэ камэлас пэскрэ шапочька со урелас ла кажно дывэс. Паладава сарэ ла кхарэнас «Лолинько Шапочька».

— Лолинько Шапочька, — екх моло пхэндя дай чяёрьякэ. — Тири пхуридай насвалы. Мэ пэкьём латэ гудлэ псироги. Ян лэн собы ёй тэ хал.
— Шукар, даёри, — пхэндя Лолинько Шапочька, лэя корзинка псирогэнца и гыя кэ пхуридай.

Пхурори дживэлас дро кхэр пал о вэш. Чяёри на закамья тэ обджял о вэш и гыя вэшытко дроморэса. Ёй джялэс и скэдэлас э лулудя пхуридакэ.
Вдруг о кустендэр выгыя баро серо рув. Лолинько Шапочька никогда на дыкся рувэн и на полэя кон ада. Ёй дажэ на здардя и только пхэндя:
— Лачё дывэс!
— Лачё дывэс, чяёри, — пхэндя рув. — Карик ту джясэ?
— Мири мами насвалы, и мэ янава латэ псироги, — пхэндя Лолинько Шапочька.
— А кай тири мами дживэла? — пучя рув.
— Ёй дживэла дро тыкнинько парнэ кхэр пал о вэш.
— Тогда ту джясэ на чячюнэс! Тукэ трэби тэ джяс одова дроморэса, — пхэндя рув и сыкадя ваврэ дроморо. Ёв обхохадя чяёрья. Вавир дроморо сыс длэнгодыр. О рув придуминдя тэ припрастал кэ кхэроро пэрвонэс и тэ хал пхурорья, а потом, пал гудлэстэ, тэ хал и чяёрья.

Нэ Лолинько Шапочька адалэс на джинэлас. Ёй парикирдя рувэс и гыя ваврэ дроморэса. А рув сыго-сыго прастандэя кэ пхурорьякирэ кхэр и припрастандэя пэрвонэс. Ёв мардя дрэ порта.
— Кон одой? — пучя пхурори.
— Адай мэ, тумари внучька! — учэ глосорэса пхэндя рув.
— Потырдэ шэлоро, тыкнори мири, порта откэрэлапэ!
О рув потырдя шэлоро, порта откэрдяпэ, ёв прастандэя дро кхэроро и – ам! – хая пхурорья. А кокоро урья лакирэ урибэ и пасэём дрэ пасинды. Ёв подуминдя со авэла дырван сабныткос тэ прикэрэлапэ пхурорьяса.

Вот Лолинько Шапочька подгыя кэ тыкнинько парнэ кхэроро. Ёй мардя дрэ порта.
— Кон одой? — пучя рув пхурорьякиро глососа.
— Адай мэ, тумари внучька! — пхэндя Лолинько Шапочька.
— Потырдэ шэлоро, тыкнори мири, порта откэрэлапэ!
Лолинько Шапочька потырдя шэлоро и порта откэрдяпэ. Чяёри вгыя дро кхэроро, тходя лулудя дрэ вазочька и бэстя пэ мамискрэ пасинды. Ёй ґара на дыкхэлас мамья и на можынэлас тэ полэл со ласа на адякэ.

— Мами, мами, — пучя чяёри, — а соскэ тутэ адасавэ барья якха?
— Ада собы фэдыр тэ дыкхав тут, тыкнори мири! — пхэндя рув.

— Мами, мами! А соскэ тутэ адасавэ барэ кана?
— Ада собы фэдыр тэ шунав тут, тыкнори мири! — пхэндя рув.

— Мами, мами! А соскэ тутэ адасавэ барэ васта?
— Ада собы зоралэдыр тэ облав тут, тыкнори мири! — и адай о рув ухтылэя Лолинько Шапочька.

— Мами, мами! А соскэ тутэ адасавэ барэ данда?!
— Ада собы тэ хав тут!!! — тэ дэя годлы рув. Нэ только ёв откэрдя пасть, сыр э чяёри вырискирдяпэ лэскрэ вастэндыр. Ёй прасталас пир о кхэр и дэлас годлы, а рув марэласпэ ла тэ ловинэл. Вэшэстэр выджянэс охотникэ. Ёнэ шундэ годлы, впрастандынэ дро кхэр и умардэ рувэс, а потом вылынэ лэскрэ пэрэстэр пхурорья. Ёй сыс джиды, нэ дырван здарды.
Опубликовано 11 июня 2011 в 22:28:57